Si i ftuari  i parë i programit të sivjetshëm të rezidencave, "Tirana in Between", në muajin mars bujti në kryeqytetin e Shqipërisë për një muaj shkrimtari nga Beogradi, Miroslav Ćurčić. Gjatë vizitës së tij atje ai mori pjesë në jetën kulturore të Tiranës, vizitoi disa qytete dhe lidhi kontakte me përkthyesit dhe skenën artistike në vend. Mbresat e tij ai i nguliti në një ditar udhëtimesh me fotografi.

Në kuadër të programit Artists-in-Residence, Ministria Federale e Austrisë për Europë, Integrim dhe Çështje të Jashtme shpërndau edhe sivjet një numër të madh rezidencash për shkrimtare dhe shkrimtarë nga rajoni i Europës Juglindore. E para shkrimtare e ftuar në rezidencën e lagjes së vjetër të muzeve për këtë vit është aktualisht shkrimtarja bosnjako-hercegovinase, Selma Kulović. Shkrimtarë të tjerë të ftuar për këtë vit janë: Ervina Halili, Liliana Maletin, Muharem Bazdulj, Andrej Nikolaidis dhe Aleksandra Mihajlović.

Me një shëtitje letrare nëpër Vjenë dhe një mbrëmje me një diskutim interesant me temën "Në dhomën e pritjes së Europës" TRADUKI festoi më 13 prill edhe në Vjenë 10-vjetorin e krijimit. Mbrëmja letrare shëtitëse e inskenuar nga Oliver Hangl me titull "Walking Traduki Fictions", që të çonte nëpër rrugët, sokakët dhe oborret e rajonit nr. 9 të Vjenës, i mrekulloi pjesëmarrëset dhe pjesëmarrësit.