Në shkurt dhe mars  2019, shkrimtari kroat, Dino Pešut, qëndroi në Vjenë si i ftuar i programit Artist-in-Residence, që organizohet nga KulturKontakt Austria, në bashkëpunim me TRADUKI-n. Periudhën e qëndrimit të atjeshëm ai e shfrytëzoi kryesisht për hulumtime për veprat e reja, por edhe për t'iu prezantuar publikut vjenez në disa lexime.

Romani "Die Reparatur der Welt" [Riparimi i botës] i shkrimtarit kroat Slobodan Šnajder përkthyer nga Mirjana dhe Klaus Wittmann u shpall libri i muajit nga radiostacioni publik austriak Ö1. Është hera e dytë brenda këtij viti që Ö1 e shpall një përkthim të TRADUKI-t si libër të muajit. Në janar 2019 juria e stacionit austriak pat përzgjedhur romanin "Verlorener Morgen" (Mëngjes i humbur) të shkrimtares Gabriela Adameşteanu, përkthyer nga Eva Ruth Wemme.

Në bashkëpunim me TRADUKI-n, Qendra Multimedia ka shpallur bursat e reja të rezidencës në kuadër të programit "Prishtina has no river". Shkrimtarë dhe përkthyes nga Europa Juglindore mund të aplikojnë për të ardhur në Prishtinë për një qendrim katërjavor (në muajt, shtator, tetor ose nëntor). Bursa përfshin fjetjen në një banesë të mobiluar tërësisht, mbulimin e kostove të udhëtimit dhe një shumë të ardhurash prej 700 Euro. Afati i fundit për kandidim: 15 mars 2019.